إنچان
شعر: شاكر السماوي🌹

إنچان شفت اعله الگمر دمك يمر غيمه
لو شفت بجور الضوه وجه الشمس هيمه
گول الرمل زخ عالرمل ديمه ابوسط ديمه

إنچان شفت اعله الوتر كل نغمه تزهر عود
لو شفت فالات العدو باگة شمع وورود
گول الگبر، عاگر اوتطلگ، و العظم حدر التراب انهود

إنچان شفت اعله البحر دم يونس ابدم نوح
لو شفت گلبين ابگبر يتبادلن بالروح
گول الهلال ابدم طفل گوزا ونشاشيبه شرايين اتنوح

وإنچان شفت ابها الشعِر ماِمش نبي اوإنسان
لو شفت روحك تيهت بين الشفت و إنچان
گول الورد هرش ابضوه و الگمره فيَّ دخان!

ش.س