صَحوة جَرِح
شعر: شاكر السماوي

🌹

صَفگة عِرس، تسبي النجَّم
وچفافي داعَبها الِحلم
وعيون بالفرحه تلِم
وچفوف نشوانه اوتُضُم...
ِحنه اوسِعِد،
وآنه ابدَرِد!!

هلهوله تاخذني اوترد
هلهوله صحَّت بالچَبد...
طيف انمَرَد مني مَرِد.
اومنهو الدرئ ابحال الورد،
من ينمرد؟
- منهو اليعد؟

شوغات، وجروح، اودمع
وشموع ماتقبل تِشع
وهروش كل ساعه ابصدح...
شرجي اوبرِد!
ماظل وَرِد!
تتباهي بيه عين الأمل
نحله الدهر : سِم اوعَسَل.
بس وين ياگلبي العسل؟
شو غصن الگرنفل ِحمَل...
بس العَرد!
ذلَ الچَرد.
...........
واليمنئ ملَّت مِحبسي
والحنه عذرئ أمحَّنطه
اوكلما يلم عشه الگطه
ها!..
والدهر عفله صطه...
اوباگ الورد.
اوخلَّ الچبَد،
ينعئ اويرد...
- لا ندئ ع الورده النَّدئ،
اولا غيمه زخت ع الطُبَر؟!
شگبن صبر،
شگبن سهر،
يا گلبي ياعِش القَهَر

ش.س
دايونيه
1965-05-15