عاشِق الطين
شعر: شاكر السماوي

🌹

قالوا لَهُ :

- مالَكَ بَسمَرتَ عيناك
ليل انهار بالطينه ؟!
قال لَّهُم
- أشوف امرايتي بيها
والِحلم النسئ حينه!

مالَك : بَسمَرتَ عيناك
ليل انهار بالطينه؟
مالَك: ع الرمُّاد اتردِد
ِتشوي اوتاكِل ابحينه؟
مالَك: ع الرمل ملهوف
شايف بالعَرِد زينه؟!(١)
چنَّك، للصُّبخ مكتوب
عقلك واهِب اسنينه!
واليُغضَ اعلئ جرح العين
ميت من گبل حينه.
مگطوع الوتر ع الدوم
مات، اومات تلحينه.
مشلول القدر، ويعيش
وسط الروج فلّينه.
--------------•-------------
لو زَخَّت عليه حالوب
گال: امن السَّما ِنعمه!
اولو مَّرت ِجنازه ايگول:
كل من ِملتهي ابهَمه.
اولو شافت ِحلِم عيناه
اتحنَّط بالجِفِن حِلمه.
چالراعي ابكهَف دنياه
حَسباله الشمس ظَلمه! (٢)
يَلْ مامر ِبذانه الصوت
يَلْ صيفه اوشِتاه رَحمه!
يَلْ خَدَّك ِشتٓل صَطرات
يَلْ ما هزّٓتك چِلمه.(٣)

ظل إشبِر خيال ابليل ...
فجرك بالشمس يعمئ.
--------------•------------
ش.س